बाँसुरी खबर 
काठमाडौं ।
नवनियुक्त अर्थमन्त्री रामेश्वर खनालले तोकिएको समयमा निर्वाचन गराउन पुरक बजेट ल्याउने बताएका छन् । साथै टुक्रे र प्राथमिकतामा नरहेका आयोजना बजेटबाट हटाउने तयारी गरेका छन्। आज अर्थ मन्त्रालयमा पदभार ग्रहण गर्दै मन्त्री खनालले टुक्रे र प्राथमिकतामा नरहेका आयोजना बजेटबाट हटाउनेबारे अध्ययन गर्न कार्यदल गठन गर्ने पहिलो निर्णय गरेका हुन्।
उनले भने, ‘अबको प्राथमिकता युवाका माग पूरा गर्नुछ, निर्वाचन गर्नुछ, त्यसकारण खर्च कटौती गर्न यो निर्णय गरिएको हो।’
खनालले आफूलाई माननीय नभन्न आग्रह गरे। ‘विगतका के गरेका थियौं स्मरण नगरौं। अब गल्ती नगरौं। हामी सच्चिनै पर्छ। आवेशमा आएर बोलिरहनु आवश्यकता छैन।’
पदभार ग्रहण गर्नुअघि शीतल निवासमा राष्ट्रपति रामचन्द्र पौडेलले उनलाई आयोजित समारोहमा पद तथा गोपनीयताको शपथ ग्रहण गराएका थिए।
प्रतिक्रिया दिनुहोस्