बाँसुरी खबर 
काठमाडौं । एनएमबि क्यापिटलले माघ २४ गतेदेखि निष्कासन तथा बिक्री खुला गरेको सामूहिक लगानी कोष एनएमएबि हाइब्रिड फण्ड एल–२ को इकाइमा आवेदन दिने आज (फागुन ८ गते) अन्तिम दिन रहेको छ । यसअघि माघ २८ गतेसम्म आवेदन दिन सक्ने भनिए पनि पर्याप्त आवेदन नपरेपछि म्याद थपेर फागुन ८ गतेसम्म आवेदन दिन पाउने व्यवस्था गरिएको हो ।
क्यापिटलले एनएमबि म्युचुअल फण्डअन्तर्गत प्रतिइकाइ १० रुपियाँ अंकित दरमा १ अर्ब २० करोड बराबरको १२ करोड इकाइ बिक्रीमा ल्याएको छ । कुल निष्कासनको १४ प्रतिशत अर्थात् १ करोड ६८ लाख इकाइ कोष प्रवर्द्धक एनएमबि बैंक र १ प्रतिशत अर्थात् १२ लाख इकाइ योजना व्यवस्थापक कम्पनी एनएमबि क्यापिटलका लागि छुट्याएको छ । बाँकी १० करोड २० लाख इकाइ सर्वसाधारणलाई बिक्री गरिने क्यापिटलले जनाएको छ । इकाइधनीले न्यूनतम १०० इकाइ र अधिकतम १ करोड २० लाख इकाइका लागि आवेदन दिन पाउने कम्पनीले जनाएको छ ।
यो १० वर्ष अवधिको बन्दमुखी म्युचुअल फण्ड हो । फण्डको धितोपत्र निष्काशन तथा बिक्री प्रबन्धक एनएमिब क्यापिटल लिमिटेड रहेको छ भने कोष प्रवर्द्धकमा एनएमबि बैंक रहेको छ ।
प्रतिक्रिया दिनुहोस्