बाँसुरी खबर काठमाडौं । साताको चौंथो कारोबार दिन बिहीबार नेपाल स्टक एक्सचेन्ज (नेप्से) परिसूचक ७.२६ अंकले घटेर २६७८.४७ बिन्दुमा बन्द भएको छ ।
आज सेयर बजारमा सामान्य अंकको गिरावट आएको छ । ७६ कम्पनीको मूल्य बढ्दा १६२ कम्पनीको मूल्य घटेको छ भने ६ वटा कम्पनीको मूल्य स्थिर रह्यो ।
३०२ कम्पनीको १ करोड ५८ लाख कित्ता सेयर किनबेच हुँदा ७ अर्ब ९२ करोड रुपैयाँ बढीको कारोबार भएको छ । सबैभन्दा धेरै एनआरएन इन्फ्राइस्ट्रक्चरले ३४ करोड १४ लाख बढीको कारोबार गरेको छ ।
यस्तै, सीईडीडी होल्डिङ्गसको २६ करोड ८९ लाख, राधी विद्युत कम्पनीको २० करोड २९ लाख, सिन्धु विकास बैंकको १९ करोड ३० लाख, सेन्ट्रल फाइनान्सको १९ करोडको कारोबार भएको नेप्सेले जनाएको छ ।
आज मातृभूमि लघुवित्त, गार्डियन माइक्रो लाइफ, कुमारी सबल योजना र पोखरा फाइनान्स गरी चार वटा कम्पनीमा सकारात्मक सर्किट लागेको छ ।
यसदिन फाइनान्स सूचक १.८८, लगानी सूचक ०.५२ र माइक्रोफाइनान्स सूचक ०.१७ प्रतिशतले बढ्दा बाँकी सबै उपसमूहका सूचक राताम्मे छन् ।
प्रतिक्रिया दिनुहोस्