बाँसुरी खबर 
काठमाडौँ । कम्प्युटर एशोसिएसन नेपाल (क्यान) महासंघको ‘एचएमसी नेपाल हिक्सेमी क्यान इन्फोटेक २०२५’ मेला आज सकिएको छ ।
बिहीबारदेखि काठमाडौँको भृकुटीमण्डपस्थित प्रदर्शनीहलमा सञ्चालन भएको पाँच दिने मेलामा प्रविधिप्रेमी अवलोकनकर्ताले बाक्लो उपस्थिति जनाएको आयोजकले बताएको छ ।
क्यान इन्फोटेकको यो ३०औं संस्करणमा सूचना प्रविधि सम्बन्धि १५० भन्दा बढी सामग्रीको स्टल राखिएका थिए । सो मध्ये अन्तिम दिन सोमबार पनि मेलामा ‘कता हो’ एपमा प्रविधि प्रेमी अवलोकनकर्ताले विशेष चासो देखाएर रुचाएको सञ्चालक दीपक थापाले बताए ।
उनले भने, ‘मेलाको अन्तिम दिन आज उत्साहजनक भिड देखियो । १५० भन्दा बढी स्टल मध्येमा कता हो एपले अवलोकनकर्तालाई विशेष आर्कर्षित गर्यो । हाम्रो एप एक लाख पटक भन्दा बढी डाउनलोड भैसकेको छ ।’
उनका अनुसार प्रविधि रुचाउने नयाँ युवा पुस्ता सँगै मेलाकाे विभिन्न जिल्लाका मेयर उप–मेयर सम्मले उत्सुकतापूर्वक अवलोकन गरेका छन् । उनले आफूहरुलाई एपबारे दर्शकले सकारात्मक प्रतिक्रिया दिएको उल्लेख गर्दै अन्तर्राष्ट्रिय स्तरबाट समेत एप बारे चासो व्यक्त गरिएको जानकारी दिए ।
तीन देशबाट लगानीकाे प्रस्ताव आएको थापाले बताए । उनले १८ वटा फिचर समावेश गरिएको एपमा हाल पाँच ओटा मात्रै राखिँदा पनि अवलोकनकर्ताले रुचाएको बताए । ‘कता हो एपको १८ ओटा फिचर मध्ये अहिले पाँच ओटा मात्रै फिचर लन्च भएको छ । १३ ओटा फिचर आउनै बाँकी छ । जम्मा पाँच ओटा फिचर राखेर प्रर्दशनीमा ल्याउँदा पनि नेपालमा मात्रै होइन अन्तर्राष्ट्रिय रुपमै छाउन सफल बनेको छ । कोरिया जापान र युकेबाट लगानी गर्ने अफर आएको छ ।’
उनले कता हो कम्पनी पब्लिकमा लैजाने तयारी गरिराखेको जानकारी दिए । उक्त एपमा राखिएको एसओएस सिस्टमले ६ सेकेण्डसम्म बटम दबाउँदा बिना मोवाइल नम्बर आवश्यकता हेरी दमकल पठाउन तथा प्रहरीमा सूचना पुर्याउने थापाले बताए ।
‘एपमा राखिएको एसओएस सिस्टमले ६ सेकेण्डसम्म बटम दबाउँदा मोवाइल नम्बर र ठेगाना बिना नै आवश्यकता हेरी दमकल पठाउन तथा प्रहरीमा सूचना पुर्याउन मद्दत गर्छ । एउटा बटम दबाउँदा तपाइँले आफ्नो सुरक्षाको प्रतयाभूति गर्न सक्नुहुने छ, जुन विश्वको कुनै पनि एपले गरेको छैन ।’
प्रतिक्रिया दिनुहोस्